" Jo Guzar Gaya "
Hama-Waqt Ranj-o-Malal Kiya
Jo Guzar Gaya So Guzar Gaya
Use Yaad Ker ke Naa Dil Dukha
jo Guzar Gaya So Guzar Gaya
Naa Gila Kiya, Naa Qafa Hua, Younhi Raaste Mein Juda Hue
Naa Tu Bewafa, Naa Mein Bewafa
Jo Guzar Gaya So Guzar Gaya
Woh Ghazal Ki Ek Kitaab Tha
Woh Gulloun Main Ek Gulaab Tha
Zara Deir Ka Koi Khawab Tha
Jo Guzar Gaya So Guzar Gaya
Mujhe PatJharoun ki kahaniyan
Naa Suna Suna Ke Udaas Kar
Tu Qizan Ka Phool Hai Muskura
Jo Guzar Gaya So Guzar Gaya
Woh Udas Dhoop Samait Ker
Kahin Wadiyoun Me Uter Chuka
Usse Ab Naa De Mere Dil Sada
Jo Guzar Gaya So Guzar Gaya
Yeh Safar Bhi Kitna Taweel Hai
Yahan Waqt Bhi Kitna Khaleel Hai
Kahan Laut Ker Koi Aayega
Jo Guzar Gaya So Guzar Gaya
Woh Wafaien Thien Ke Jafaien Thien
Yeh Naa Soch Kiski Khatien Thien
Wo Teri Hai Usko Gale Laga
Jo Guzar Gaya So Guzar Gaya
Tujhe Aitbaar-O Yaqeen Nahi
Nahi Dunya itni Buri Nahi
Naa Malaal Kar Mere Saath Aa
jo Guzar Gaya So Guzar Gaya
Thanks & Best Regards
0 comments:
Post a Comment